My Tianjin!

This is the City where I'm spending my 4th year,I love it even if it is somehow polluted!

Safari yangu ya kwenda Iwindi Kijijini kwangu

Baada ya miaka zaidi ya mitatu kutoonana na mama,babu na wote nyumbani at last nimekutana nao na kuwakuta wazima na wao hawajaamini kuniona mwanao baada ya muda mrefu sana.Haha!I miss u all again ...

Even people who are not my relatives they all missed seeing me,That is amazing!

My trip to Tanzania...

My Trip to tanzania(home)...Was really nice!

Nimekutana na Majid Mjengwa Dar

My holiday was nice and nilifurahi sana pale siku moja nilipokuwa nikipata kifungua kinywa cha maziwa,chapati na vitumbua katika mgahawa mmoja pembeni mwa Lumumba road.Huyu kaka namkubali wa kuweka picha za kuonesha the really Tanzania kwa kila kona ya nchi,hata kule kusikofikika yeye hufika.
All the best bro in your majukumu!

AIDS in Mbeya and Iringa??!!

Katika Kijarida cha Habari za Ukimwi (April - June 2008) Takwimu zinaonyesha kuwa maambukizi ya Ukimwi kufuatia Kampeni ya Kitaifa ya Kupima Ukimwi kwa Hiari ni kama Ifuatavyo:Maambukizi ya Juu:- Mbeya - 15.2% (Kyela 24%, Chunya 23.7%)- Iringa - 14.7% (Ludewa 19.7%, Makete 16.8%) - Dar Es Salaam - 8.3%- Mwanza - 8.1 %- Coastal - 6.2%- Ruvuma - 5.6%Hakuna sababu zilizoainishwa ni nini vichocheo vikubwa vya maambukizi haya.Wazalendo, Tunaambiwa Elimu Kuhusu Ukimwi imewafikia Watanzania kwa kiwango cha kutosha ikiwa ni pamoja na jinsi ya kujikinga na maabukizi. - Je, ni nini vichocheo vya maambukizi makumbwa yaliyoainishwa hapo juu na ni nini kifanyike?

Ziwa Ngozi!

Ziwa Ngozi linalodaiwa kuhamishwa kwa jiwe la moto 2009-01-06 13:50:37 Na Thobias Mwanakatwe
Tanzania ni nchi iliyobahatika kuwa na maziwa mengi hata hivyo kila ziwa lina historia yake jinsi lilivyojitokeza kwa maana ya chanzo chake. Ziwa Ngozi lililoko Rungwe ni moja ya maziwa ambayo wenyeji huogopa kulitembelea kutokana na imani walizonazo. Mwandishi Wetu, Thobias Mwanakatwe, anaandika zaidi. Yapo maziwa au maeneo ambayo ukianza kusimuliwa historia yake unaweza kabisa ukakata tamaa hata kulitembelea hasa kutokana na maajabu yaliyopo katika ziwa hilo. Mojawapo ya maeneo yenye historia ya maajabu ni ziwa Ngozi lililopo katika kijiji cha Mbeye One wilayani Rungwe katika mkoa wa Mbeya. ``Mimi sijawahi kufika huko lakini siwezi kwenda kule kunatisha,`` anasema Uswege Mwakimbete alipoulizwa kama amewahi kufika kwenye ziwa hilo. Ziwa hilo liko urefu wa mita 150 kutoka kilele cha milima inayozunguka ziwa , ambapo kutoka usawa wa maji kina cha maji ni urefu wa mita 73 na ukubwa wa eneo lenye maji ni kilomita sita hadi 10 za mraba na lina ukubwa wa kilometa za mraba 3.75. Wataalam wanaeleza kuwa ziwa hilo limetokana na volkano , limezungukwa na misitu mizuri ya asili ya kitropiki hali nzuri ya hewa na tulivu. Ili kulifikia ziwa hilo unalazimika kutembea kwa mwendo wa kati ya dakika 45 na saa 1 kutoka kijijini Mbeye One ambacho kipo barabara kuu ya Mbeya-Kyela. Pia kutoka katika kilele cha milima inayozunguka ziwa hilo unalazimika kushuka kwa zaidi ya dakika 45 huku ukilazimika kushuka kwa kutumia mizizi migumu ya miti ya asili iliyopo katika msitu mnene kwasababu ya mteremko mkali kuelekea katika ziwa hilo. Mwenyekiti wa Kijiji cha Mbeye One, Watson Mwakalinga anasema kuwa ziwa hilo liligunduliwa mwaka 1925 ambapo anasema kuwa ziwa hilo lilihama kutoka katika kijiji cha Mwakaleli wilayani humo baada ya kudaiwa kuwa baada ya kuchomwa na jiwe la moto na wakazi wa kijiji hicho. Anasema ziwa hilo la maajabu lilichomwa moto na wakazi wa kijiji cha Mwakaleli kwasababu lilikuwa likileta mikosi mingi kijijini hapo ikiwemo watu kufa kila mara hali iliyowalazimu wazee wa kijiji hicho kufanya uchunguzi na kubaini kuwa kunasababishwa na ziwa hilo la Ngozi. Hata hivyo unapowauliza wataalam wa masuala ya mazingira wanasema kisayansi ziwa haliwezi kuhama. ``Kwa vile ziwa hili halikuwepo pengine wangesema kuwa halikuwepo mpaka volkano hiyo ilipokuwepo lakini ziwa haliwezi kuhama,`` anasema Prof .William Rugumamu , wa Idara ya Jiografia toka Chuo Kikuu cha Dar es Salaam. Mwakalinga anasema anasema kuwa maajaabu ambayo yametokana na imani za kishirikina yanayodaiwa kuwepo katika ziwa hilo ni pamoja na watu wanaofika huku kudaiwa kupotea, sauti za vikohozi vya watu wasioonekana pamoja na miujiza ya watu wanaotwanga mahindi lakini hawaonekani. Anasema mbali ya maajabu mengine ya imani za kishirikina yaliyokuwepo, anasema kuwa ziwa hilo linatabia ya kubadilika rangi ambapo anasema ziwa hilo limekuwa likigeuka rangi mara kwa mara na kuwa na rangi za kijani, bluu, nyeusi na nyeupe. Anasema kubadilika kwa maji katika ziwa hilo kimsingi wananchi wameshindwa kufahamu kunatokana na nini ingawa waatalam waliowahi kufika kijijini hapo wanadai kunatokana na mabadiliko ya hali ya hewa ya eneo hilo. Prof. Rugumamu anasema hali ya kubadilika rangi kwenye ziwa Ngozi siyo kitu cha ajabu kwani ni hali inajitokeza kwenye maji ya bahari ambapo anasema wakati mwingine huweza kuonekana rangi ya bluu au rangi ya upinde kutegemeana na hali ya jua. `Kwenye maji ya bahari hali ya maji kubadilika ni jambo la kawaida pengine watu hawawi makini kuangalia tu,`` anasema Prof. Rugumamu ambaye ni mtaalam wa masuala ya mazingira na hali ya udongo. Hata hivyo unapofika eneo hilo misitu inayozunguka ziwa hilo ina hali nzuri pamoja na baadhi ya wanyama wakiwemo chui na nyani, ingawa ni ni nadra sana kuwaona chui katika misitu hiyo kwa kuwa wanajificha na hawajawahi kuleta madhara kwa binadamu. Anasema kutokana na maajabu hayo, wakazi wa kijiji hicho walikuwa wakiogopa kabisa kufika katika ziwa hilo kutokana na maajabu hayo yaliyokuwa yakisemwa. Mmoja wa wakazi wa Kijiji cha Mbeye 1, George Mbepe (65), anasema awali walikuwa wanahofia kufika katika ziwa hilo kutokana na madai ya kuwapo kwa imani za kishirikina. ``Kulikuwa na imani kuwa mtu akija huku atasikia vikohozi vya watu wasioonekana huku wengine wakitwanga mahindi, lakini hawaonekani,`` alisema na kuongeza kuwa imani hizo zilisababisha watu wasifirie kwenda katika ziwa hilo . Hata hivyo anasema, kuwa kutokana na maji hayo kuonekana yanafaa, yamekuwa yakitumiwa kama mradi na vijana ambao wamekuwa wakiuza kati ya shilingi 300 na 500 kwa lita. Wakazi wa Kijiji hicho, wanaamini maji ya ziwa hilo hutumika kama dawa kwa ajili ya kutibu watoto ambao wamekuwa wakistuka nyakati za usiku na kwamba pindi wanaponywesha maji hayo hali hiyo inakoma mara moja. Prof .Rugumamu anasema kuwa hakuna maelezo yoyote ya kisayansi ya Ngozi kuwa na uwezo wa kuponya magonjwa lakini anasema wenyeji kwenye maji mengi yanayotokana na volkano wamekuwa na imani za aina hiyo. ``Hata sehemu nyingi ambako yanatoka maji moto yanayotokana na volkano watu wanaamini hiyo lakini hiyo ni imani tu, anasema .`` Ziwa hilo liliwahi kupandikizwa samaki aina ya perege mwaka 2001, hata hivyo hadi sasa hawajafanikiwa kuvua samaki hata mmoja kutokana na ukosefu wa vifaa vya uvuvi pamoja na ugumu wa kufika katika ziwa hilo . Hata hivyo imani hizo za kishirikina za wakazi wa Kijiji hicho zilifikia tamati mwanzoni mwa mwaka huu baada ya timu ya watafiti wa Kimataifa kutoka nchi za Ufaransa, Uingereza na Ubelgiji kufanikiwa kufika katika ziwa hilo na kufanikiwa kuingia ndani ya ziwa hilo na kuchota udongo kwa ajili ya kufanya utafiti wa kisayansi kuhusiana na ziwa hilo pamoja na mazingira yanayolizunguka. Watafiti hao walibaini kuwa ziwa hilo lina umri wa zaidi ya miaka 40,000.Ingawaje wataalam wengine wanasema kuwa ziwa hilo linaweza kuwa lilikuwepo hata miaka milioni 2 iliyopita. Kuna baadhi ya watalii wamekuwa wakitembelea ziwa hilo ambapo hulipia kiasi cha Sh 2,000 kwenda kuliona . Hata hivyo baadhi ya wananchi wanasema kuwa kiasi kinachotozwa cha sh.2,000 hakitoshi bali wangetozwa zaidi. ``Watalii walitakiwa kutozwa shilingi 10,000 na watanzania walipe shilingi 2,000 ili mapato yatokanayo na shughuli za utalii yaweze kutumika kwa shughuli za maendeleo katika Kijiji na wilaya,`` anasema Jackson Mwakabuta,mkazi wa kijiji hicho. Mwakabuta anasema kuwa idadi ya watalii wanaotembelea vivutio vya utalii wilayani humo haitoshelezi, ambapo alisema kuwa kuna haja ya kufanyika kwa juhudi za makusudi kutangaza vivutio vilivyopo nchini pamoja na kuwahamasisha Watanzania kujenga utamaduni wa kutembelea vivutio vya utalii badala ya kuwategemea wageni tu. Mbali ya ziwa hilo kukosa watalii wanaotembelea kuangalia vivutio vilivyopo, pia wakazi wa Kijiji cha Mbeye One, wameshindwa kuendesha shughuli za uvuvi kutoka katika ziwa hilo kutokana na ukosefu wa vifaa vya uvuvi pamoja na ugumu wa kufika katika ziwa hilo la shimo ambalo limezungukwa na milima. Wananchi hao wanaiomba serikali iwasaidia kupata boti itakayotumika kwa shughuli za uvuvi katika ziwa hilo, ambapo alisema kuwa kuanza kwa shughuli za uvuvi kutasaidia kukuza uchumi wa kijiji hicho na hivyo kuinua maisha ya wananchi . Mwambata wa Ubalozi wa Ufaransa nchini, Dk. Raymond Latest ambaye alikuwa pamoja na timu ya utafiti wa ziwa hilo anasema kuwa wilaya ya Rungwe ina vivutio vizuri vya utalii kuliko mkoa wa Arusha lakini havifahamiki kutokana kwa kutotangazwa. Anasema awali kabla hajafika nchini, alikuwa akiifahamu zaidi nchi ya Kenya ambayo imekuwa ikijitangaza zaidi kwenye utalii, lakini alipofika nchini akagundua kuwa Tanzania ina vivutio vingi vya utalii ikiwamo misitu ya asili kuliko nchi yoyote ya Afrika Mashariki. Dk.Latest anasema vivutio hivyo vikitangazwa vizuri vitaweza kuchangia kukuza pato la Taifa kupitia sekta ya Utalii. Akilizungumzia ziwa Ngozi, Dk. Latest alisema kuwa amevutiwa na ziwa hilo lililozungukwa na milima na kuonekana lipo shimoni pamoja na kuzungukwa na misitu ya asili, ambapo alisema kuwa atahakikisha anaitangaza wilaya ya Rungwe ili iweze kufikiwa na watalii wengi kutoka nchini Ufaransa na watalii waweze kujionea maajabu ya wilaya hiyo. Kiongozi wa timu ya watafiti, Dk. David Williamson kutoka Chuo Kikuu cha Dar es Salaam anasema hiyo ilikuwa mara yao ya kwanza kufika katika ziwa hilo kwa lengo la kufanya utafiti ili kujua umri wa ziwa hilo, mabadiliko ya hali hewa na mazingira pamoja na kufahamu volkano ndogo ya mwisho ililipuka lini. Na kama maji ya ziwa hilo yanafaa kwa matumizi ya binadamu. Dk. Williamson anasema kuwa ziwa ngozi ni moja kati ya maziwa 10 ya volkano yaliyopo wilayani Rungwe ambayo wanafanyia utafiti wa kisayansi, aliyataja maziwa mengine kuwa ni pamoja na Ndwati, Kisiba, Chungululu, Ikapu, Itamba, Asoko, Ilamba, Kingili, Katubwi na Itende. Utafiti wao unajumuisha uchukuaji wa vumbi na tope lililopo chini ya ziwa hilo vitu ambavyo vitasaidia katika utafiti wao. Katika utafiti wao wa awali waligundua kuwa kina cha maji katika ziwa hilo kinazidi kupungua kutokana na mabadiliko ya hali ya hewa, mmonyoko wa udongo na kwamba hali hiyo inahatarisha uwepo wa ziwa hilo kwa miaka ijayo. Akieleza sababu za kuchukua tope lililochini ya ziwa hilo , alisema kuwa wanaamini kuwa tope lililoganda ndani ya maji linakuwa na mkusanyiko wa tabaka mbalimbali za taka, udongo na kwamba kiasi wanachochukuwa kitawawezesha kujua mambo muhimu wanayoyahitaji katika utafiti wao. Mtafiti mwingine kutoka Chuo Kikuu cha Dar es Salaam ,Edister Abdallah anasema kuwa utafiti huo utasaidia wakazi wanaosihi kuzunguka ziwa hilo kuendana na mabadiliko ya hali ya hewa hivyo kushiriki katika kuhifadhi mazingira ya eneo hilo na wilaya ya Rungwe na hivyo kufanya uwepo wa ziwa hilo kuwa endelevu. Anasema kuwa juhudi za dhati zinapaswa kuchukuliwa ili kuwajengea wananchi utamaduni wa kutunza mazingira tofauti na ilivyo sasa ambapo wananchi hawaoni wajibu wao wa kushiriki katika kutunza na kuhifadhi mazingira ambayo ni muhimu katika maisha ya mwanadamu na viumbe hai. Alisema kuwa wananchi wakipatiwa elimu na kujua umuhimu wa kuhifadhi mazingira kila mmoja atatimiza wajibu wake kwa kutunza mazingira. Anaongeza kuwa ukosefu wa elimu umekuwa ukisababisha wananchi wengi washiriki katika uharibifu wa mazingira bila wao kujua au wengine kuharibu kwa makusudi bila kujua athari za baadaye za uharibifu huo. Naye Mshauri wa Sekta ya Wanyamapori mkoa, Stanley Munisi anasema mkoa wa Mbeya unao vivutio vingi vya kitaalam, lakini vingi bado havijatangazwa na kwamba hivyo ipo mikakati ya kuanza kuzitangaza.

Chifu ataka CCM isichaguliwe Mbeya

Chifu ataka CCM isichaguliwe Mbeya
Na Brandy Nelson, Mbeya
CHIFU mkuu wa kabila la Wamalila, lililo katika tarafa ya Isangati wilayani Mbeya Vijijini, Golian Mpoli, 90, amewataka wananchi wake kutokichagua chama
ambacho kinawanyima maendeleo na badala yake wamsubiri mgombea wa Chama cha Demokrasia na Maendeleo (Chadema), Sambwee Shitambala, katika uchaguzi wa mwaka 2010.
Mgombea huyo alienguliwa kwenye kinyang'anyiro cha kiti cha ubunge cha jimbo la Mbeya Vijijini baada ya kugundulika kwa kasoro kwenye kiapo chake. Vyama vya CCM na CUF vilibaini kasoro hizo na kuweka pingamizi ambalo lilikubaliwa na Tume ya Uchaguzi.
Lakini chifu huyo wa kabila la Wamalila anaona kuwa bado kuna haja ya kumsubiri mgombea huyo katika uchaguzi mkuu ujao kwa kuwa hawana la kufanya kwa sasa.
Akizungumza na waandishi wa habari jana, Chifu Mpoli, akiwa na mkalimani kutokana na kutojua vizuri lugha ya Kiswahili, alisema kuwa toka uhuru wamekuwa wakitawaliwa na viongozi wa CCM, lakini hakuna maendeleo yoyote ambayo chama hicho kimewapa zaidi ya kuendelea kuwanyonya.
Alipoulizwa kuwa ni kwanini anamtaka Sambwee Shitambala kuwa mbunge wa jimbo la Mbeya Vijijini wakati hajawahi hata kuwaongoza na pia si mzaliwa wa tarafa hiyo ya Isangati, Chifu Mpoli alisema kuwa kutokana na jinsi alivyomuona na kutafakari anaamini anaweza kuwasaidia wananchi wake.
"Tangu afariki mbunge wetu Edward Shiwa aliyetuongoza kipindi cha mwaka 1995 hadi 2000, tulikuwa hatuna shida yoyote kwa kuwa alikuwa anatusikiliza na kutatua shida zetu na alianza harakati za kuleta umeme. Alifikia hatua ya kuwekwa nguzo na bahati mbaya akafariki dunia kabla ya kulimalizia," alisema.
Alisema tangu alipoondoka mbunge huyo bado nguzo hizo zimelazwa chini na
nyingine zimechimbiwa, lakini hakuna maendeleo yoyote ya suala la kupata umeme kwa wananchi wa tarafa hiyo.
Chifu huyo alisema kuwa Mbunge Shiwa ndiye aliwaletea wazo la kujenga Shule ya Sekondari ya Ilembo na kwamba baada ya hapo tangu mwaka juzi wamekuwa wakichangishwa fedha kila mara kwa ajili ya ujenzi wa madarasa, lakini hakuna kinachoendelea.
"Baada ya kuondoka Mbunge Shiwa, kuna wabunge wa CCM walikuwepo lakini hakuna walilotufanyia kama huyu wa mwisho... pamoja na kuwa mimi ni chifu mkuu nilikuwa simfahamu... nilikuwa nasikia jina tu mpaka alipofariki dunia. Hivyo kwa niaba ya machifu wenzangu na wananchi, hatuitaki CCM... tunamsubiria Sambwee Shitambala mwaka ujao, ndiyo maana nimeamu kuja huku kuwaeleza," alisema.
Alipoulizwa sababu za kutoitaka CCM, chifu huyo alijibu kuwa viongozi wake wanawanyonya wananchi na wamekuwa na matatizo mengi katika eneo hilo lakini viongozi wa CCM wanashindwa kutatua na kwamba tayari kikao cha machifu kimefanyika katika kujadili suala hilo na kwamba wamekubalina wamsubiri Shitambala mwaka 2010 ili aweze kuwasaidia katika kusukuma gurudumu la maendeleo.
Wakiongea na Mwananchi, baadhi ya wananchi wa kata ya Ilembo walisema kuwa kitendo cha kuondolewa mgombea wa Chadema ni sawa na kunyang`anywa tonge la ugali mdomoni kwa kuwa hali hiyo imewasikitisha sana.
Walisema kuwa kati ya wabunge watatu waliowahi kuongoza jimbo la Mbeya Vijijini, ni Shiwa (CCM) ndiye aliyeweza kuwaletea maendeleo hivyo bado anahitaji mabadiliko na kwamba msimamo wao ni kuchagua chama pinzani.
"Kama Mbunge Yete Mwaliyego ambaye alichaguliwa mwaka 2000 huyo ndiyo hatusemi kwani alikuwa anaomba kura kwa mabavu na alifikia hata kutuambia kuwa mnichague msinichague mimi ni mbunge wenu tu na alipochaguliwa hakuonekana tena hadi naye alipofariki dunia," alisema Sipiti Solomoni wa Kijiji cha Ilembo.
Alisema kuwa wao ni wanachama wa CCM na wana kadi za CCM, lakini dhamira yao ilikuwa ni kumchagua mgombea wa Chadema kwa kuwa ndiye alikuwa chaguo lao hivyo kwa sasa hawana la kufanya.
"Kweli suala la mgombea wa Chaema kuondolewa limetuumiza sana tulikuwa tunampenda na bado tunampenda na tunamuhitaji awe mbunge wetu kwani ndiye tuliyemdhania kuwa angeleta mabadiliko katika jimbo hili... labda kama anaweza kupita huyo wa CCM wakimchagua kwani anasema kwa yeye katumwa na Mungu aje kuwa mbunge," alisema.
Walisema kuwa wanahitaji mabadiliko kwani CCM imekuwa ikiwahaidi lakini hakuna mafanikio yoyote na kwamba wamechoka na chama hicho ambcho wamekuwa wasikilza kiula mara sera zake lakini hakuna zinazotekelezwa katika eneo hilo.
"Msimamo wetu ni ule ule wa kutaka mbunge kutoka katika chama cha upinzani. CUF wamekuja hapa tumewasikiliza sera zao na tunawasubiri kuona sera zao ni nini kama tunaona nao hawaturidhishi, basi tutajua la kufanya," alisema mmoja wao.
Wananchi hao ambao walikuta wamesimama katika vikundi vikundi maeneo ya klabu cha pombe na sokoni katika kijiji hicho cha Ilembo ambacho rais mstaafu wa awamu ya pili, Ali Hassan Mwinyi alizindua kampeni za CCM.
Walipohojiwa kama wangeenda kwenye mkutano huo wa uzinduzi, walisema kuwa wangeenda kwa ajili kumfahamu rais huyo mstaafu kwa kuwa hawajawahi kumuona.

Mboma: Kitambi kimeniangusha

mambo ya Home!
Mboma: Kitambi kimeniangusha
Hawa Mathias, Mbeya
ALIYEKUWA Mkuu wa Majeshi Nchini, Meja Jenerali, Robert Mboma, amesema anaamini kitambi alicho nacho kimesababisha kushindwa katika kura za maoni za Chama cha Mapinduzi (CCM) za ubunge wa Jimbo la Mbeya Vijijini.
Mboma aliyasema hayo juzi wakati akiwashukuru wananchi katika uzinduzi wa kampeni za chama hicho za kinyang'anyiro cha ubunge wa jimbo hilo.
Alisisitiza kuwa anaamini kilichochangia kutopata kura nyingi zaidi ni kitambi
hicho alichokuwa nacho na kwamba hali hiyo itamkomaza kisiasa.
Mboma ambaye aliwashangaza baadhi ya watu walioshuhudia uzinduzi wa kampeni hizo uliofanywa na Rais Mstaafu wa Awamu ya Pili, Ali Hassan Mwinyi katika kijiji cha Ilembo Mbeya vijijini.
alisema kkuanguka kwake katika jimbo hilo kumetokana
na wananchama wa chama hicho kumnyima kura.
Alisema kitendo hicho hakiotamuathiri bali wanamkomaza kisiasa na kwamba endapo kama angeteuliwa kuwa Mbunge wa jimbo hilo angelepeleka maendeleo.
"Kwa kweli nanawashukuru wananchi mlionipigia kura nilizozipata ingawa hazikuwa
ndogo lakini ninasikitika na ninawashukuru ambao hawakunipigia kura na kuniangusha wakati wakijua wazi kuwa mimi ni mzaliwa na hapa na mngenichagua ningewaletea wananchi maendeleo katika jimbo la Mbeya vijijini," alisema.
Aliendelea kusema kuwa sio mbaya hata kama wamemchagua Mchungaji Mwanjali kwa sababu anaimani atawaletea Maendeleo na kurithi yale yote aliyatarajia
kuyafanya aliyekuwa Mbunge wa jimbo hilo, Marehemu Richard Nyaulawa katika
kuboresha huduma za jamii hususan maji, umeme na kuboreshea miundombinu.
Kwa upande wake, Waziri wa Afya David Mwakyusa aliwatahadhalisha wapiga kura kuwa makini na Vyama vya Siasa hususan Chama cha Demokrasia na Maendeleo (Chadema) a kwa kuzingatia sera zao na kwamba wawafananishe na Vyura wanaosubili kipindi cha Mvua na kuanza kukoroma katika mito.
Alisema vyama vya upinzani vinatakiwa kuangaliwa kwa umakini na kwamba kipindi hiki cha kampeni wanaanza kupita katika mikoa kuomba kura kwa wananchi na kutoa lugha chafu badala ya kujenga sera itakayoweza kukubalika kwa jamii na kwamba jamii inapaswa kutambua baadhi ya Vyama vya upizanzani havina ofisi za kuendeshea shughuli na kwamba watambue maendeleo hayaletwa kwa kasfa bali kwa sera ya chama husika.
"Kama kweli wananchi mtakuwa na mtazamo viongozi gani wanaoweza kuwaongoza wakiwa ni watu wa kwanza kukashfu nchi na chama je wakiwa madarakani watawaongoza vipi sasa mtambue msimu wa kampeni ndio wanapita kuomba kura wakati wa kampeni hamuwaoni je huu uongozi utatambua kero za wananchi na kuleta maendeleo"Alisema Mwakyusa.
Naye Katibu Mkuu wa CCM, Yusuph Makamba, alisema kauli ya Chadema dhidi ya
Mwinyi, wameifananisha na mbio za sakafuni kutokana na dhamila ya ungozi wa chama hicho kumgeukia mwenyewe na kujitukana kutokana na mgombea wake kutolewa katika kinyanganyiro cha ugombea ubunge jimbo la Mbeya vijijini.
Makamba, alisema hakuna haja ya wananchi kukichagua chama cha Chadema na CUF kutokana na kuonyesha nidhamu yao na kwamba hawana uwezo wa kuleta maendeleo kutokana na kuonyesha wazi kashfa ya kumtukana kiongozi wa ngazi za juu ambaye aliwahi kuongoza nchi.
Akizindua kampeni hizo, Mwinyi alisema kuwa Vyama vya Siasa vilipaswa kupanua wigo kwa wananchi kwa kueleza sera za chama husika zitakazokubaliwa na wananchi na kuleta maendeleo .
Alisema vyama vya siasa vinapaswa kushindana katika Sera na si kushindana kwa
matusi, dharau na kejeli.
Alisema kutumia uungwana katika kampeni za uchaguzi vinaweza vikapata fursa ya
uongozi na kutatua matatizo ya wananchi kwa kutumia Sera za Chama husika.
Alisema kuwa vyama vilipaswa kila kinachofanywa kinafanywa kwa kufuata misingi na kanuni za katiba katika kugombea jimbo la Mbeya vijijini ili liwe na Amani Umoja
na Mshikamano na kujenga mzinga wa nyuki ulioshikimana katika kuleta maendeleo
Demokrasi,udugu, na muungano utakaolinda haki za wananchi na kuheshimu ,kuelimisha na kupata misingi bora katika jamii.
"Mimi nimekuja kuzindua kampeni na wala sijaja katika kupiga kampeni na kwamba
niliwashangaa sana viongozi wa chadema kwa kupanga kuja kutukana na matusi na kwamba hakuna chama kinachoendeshwa kwa kukejer na kutoa rugha chafu,"alisema mwinyi.

CHADEMA Walizwa na NEC

Tume ya Taifa ya Uchaguzi (NEC), imetupilia mbali rufani ya mgombea wa Chama cha Demokrasia na Maendeleo (Chadema), Sambwee Shitambala, dhidi ya uamuzi wa Msimamizi wa Uchaguzi kumwondoa katika orodha ya wanaowania ubunge kwenye uchaguzi mdogo wa Jimbo la Mbeya Vijijini. Shitambala ambaye aliwasilisha rufani dhidi ya uamuzi wa Msimamizi wa Uchaguzi wa Jimbo la Mbeya Vijijini, Desemba 30, mwaka jana baada ya kuwekewa pingamizi na wagombea wa Chama Cha Mapinduzi (CCM) na Chama cha Wananchi (CUF), kwamba alikiuka taratibu za ujazaji fomu hiyo, kwa kuapa kwa kutumia wakili badala ya mahakama kama sheria ya uchaguzi inavyoagiza. Akitolea uamuzi wa rafani hiyo Mwenyekiti wa NEC, Jaji mstaafu Lewis Makame, alisema Tume ilimwita mrufani juzi kwa lengo la kupata maelezo ya ziada kuhusu sababu za rufani aliyowasilisha na kwamba, hayakupishana na yaliyoandikwa. Jaji Makame alisema kwa kuzingatia sababu za rufani, NEC iliona hoja tatu za msingi zilizokuwemo ambazo ni Je, tamko la kisheria lililotolewa na mrufani katika fomu zake za uteuzi ni halali kwa mujibu wa kifungu cha 38(3) (a) cha Sheria ya Uchaguzi Na. 1 ya mwaka 1985? Je, Sheria ya Viapo (The Oath and Statutory Declarations Act (CAP 34 R. E. 2002) na Sheria ya Wanaoidhinisha Viapo (The Notaries Public and Commissiners for Oaths Act (CAP 12 R.E. 2002) zinaweza kutumika katika suala hili? Alisema tatu,Tume iliangalia hoja ambayo wagombea walikuwa na muda wa kutosha wa kukamilisha fomu zao za uteuzi na kuziwasilisha kwa wakati? Aidha, Je,Tume inaweza kutumia ``proviso`` ya kifungu cha 38(4) cha Sheria ya Uchaguzi na. 1 ya mwaka 1985? Alifafanua kuwa baada ya kuzipitia hoja hizo za msingi, NEC ilibaini kuwa mgombea wa Chadema alikiuka taratibu ya kula kiapo kwa wakili aliyemtaja kwa jina la Evarist Martin Mashiba wa S L P 4185 Dar es Salaam na kugongwa muhuri wa wakili huyo na kwamba, kifungu cha 38(3) (a) cha Sheria ya Uchaguzi Na. 1 ya mwaka 1985 kimebainisha tamko linalotakiwa kufanywa na mgombea ubunge. ``Kila fomu ya mgombea uchaguzi lazima iambatane na tamko rasmi la kisheria ambalo limewekwa saini na mgombea mbele ya hakimu likitamka bayana sifa za mgombea na vile vile kutamka wazi kuwa mgombea hana pingamizi kugombea katika uchaguzi,`` alisema. Alisema hivyo katika kifungu hicho neno ``shall`` ndio lililotumika ambalo linaonyesha ni �lazima� mgombea kula kiapo mahakamani na kwa Hakimu Mkazi, Wilaya na Mahakama za Mwanzo hivyo ni dhahiri kwamba, wakili hapaswi kushuhudia tamko husika na tamko hilo litakuwa sio halali. Aliendelea kuwa kipengele cha Sheria za Viapo na Sheria ya Wanaoidhinisha Viapo, hakiwezi kutumika katika suala hilo kwa sababu Sheria ya Uchaguzi Na. 1 ya mwaka 1985 imetamka bayana kuhusu anayetakiwa kushuhudia tamko la kisheria la mgombea. Jaji Makame alisema NEC ilitangaza Desemba 17, wagombea kuchukua fomu na kurudisha Desemba 27, kwa maana hiyo kulikuwa na siku sita za kazi hivyo mahakama zilikuwa zinafanya kazi na wagombea walipaswa kutumia siku hizo kula kiapo kwa hakimu. Pia, Tume hiyo imeridhika na maelezo ya mrufani kuwa hakujiapisha mwenyewe na wala hajaajiriwa na Kampuni ya Evarist Mashiba Advocates kama ilivyodaiwa na mweka pingamizi. Kwa upande wa mgombea wa DP, naye amegonga mwamba rufani yake kama sababu za mgombea wa Chadema. Kwa upande wake, Mjumbe wa Kamati Kuu ya Chadema na Mbunge wa Mpanda Kati, Saidi Arfi, alisema chama kitakaa chini kutafakari uamuzi uliotolewa na Tume kwa sababu, ni pigo kwa demokrasia nchini. Katibu Mkuu wa Chadema, Dk Willibrod Slaa, alisema hivi sasa bado hawajaamua kuunga mkono CUF. ``Kwa kuwa jambo lenyewe limetokea sasa, tutakaa na kisha baadaye kutoa taarifa kamili kwa umma, kwa sasa bado tunatafakari,`` alisema Slaa. Uchaguzi huo unatarajiwa kufanyika Januari 25, unafuatia kifo cha aliyekuwa Mbunge wa Mbeya Vijijini, Richard Nyaulawa (CCM).

Mambo ya Mbeya Vijijini na Uchaguzi wa MP

Date::1/2/2009
Mambo magumu Mbeya Vijijini
*Hatima ya mgombea Chadema leo
Na Brandy Nelson, Mbeya
MAMBO yanazidi kuwa magumu katika mchakato wa uchaguzi mdogo wa mbunge Mbeya Vijijini baada ya kuzidi kwa matukio yanayopandisha joto zaidi la kisiasa mkoani Mbeya na hata maeneo mengine ya nchi.
Kuahirishwa kutangazwa kwa matokeo ya rufaa ya mgombea wa Chama cha Demokrasia na Maendeleo (Chadema), Sambwee Shitambala, hadi leo asubuhi, kumelimepandisha joto kwenye kinyang'anyiro cha kuziba nafasi iliyoachwa na mbunge wa CCM, Richard Nyaulawa.
Awali ilitaarifiwa kuwa uamuzi wa rufaa ya Shitambala, ambaye alienguliwa kugombea ubunge wa Mbeya Vijijini kwa kuapa kwa wakili badala ya hakimu, ingetolewa jana saa 4:00 asubuhi.
Lakini mwenyekiti wa Tume ya Taifa ya Uchaguzi, Jaji Lewis Makame aliwaambia waandishi wa habari jana kuwa majibu ya rufaa yatatolewa leo saa 5:00 asubuhi wakati yale ya mgombea wa DP, Ndele Mboma yatatolewa saa 8:00 mchana.
Aliyasema hayo jana majira ya saa 10:00 jioni baada ya wagombea, walioenguliwa na msimamizi wa uchaguzi katika kinayang'anyiro cha ubunge katika Jimbo la Mbeya Vijijini na baadaye kukata rufaa, kuhojiwa na tume yake kwenye hoteli ya Mount Livingstone.
"Tumeshapitia rufaa za wagombea wote na majibu tutayatoa kesho saa 5:00 asubuhi kwa mgombea wa Chadema Sambwee Shitambala na saa 8:00 kwa mgombea wa DP, Ndele Mboma," alisema.
Aidha tume hiyo imeagiza wagombea hao wasiendelee na mikutano ya kampeni za uchaguzi, ikibatilisha uamuzi wa msimamizi wa uchaguzi wa Jimbo la Mbeya Vijijini, Juliana Malange, ambaye aliwaruhusu kufanya kampeni wakati wakisubiri majibu ya rufaa zao.
Mgombea wa Chadema alifanya mkutano wa kampeni juzi katika kata ya Utengule, Usongwe.
Akiongea baada ya kutoka kuhojiwa, Shitambala alisema kuwa alipata nafasi ya kutoa maelezo mengi kulingana na kosa lililosababisha aenguliwe katika uchaguzi huo, ikiwa ni pamoja na sheria inavyoelekeza katika masuala ya utoaji wa kiapo.
"Pia wametuhoji kuwa wamesikia kwamba tulifanya mkutano wa kampeni, tukamjibu ndiyo kwa kuwa msimamizi wa uchaguzi wa Jimbo la Mbeya Vijijini alituruhusu kuendelea na kampeni," alisema na kuongeza kuwa maamuzi hayo yalikuwa sahihi.
Shitambala alisema kuwa pamoja na maelezo hayo tume imewataka kutoendelea na kampeni hadi baada ya uamuzi kutangazwa kesho.
Habari kutoka ndani ya kikao hicho zinadai kuwa wajumbe wa tume hiyo, walianza mjadala wa rufaa hiyo mara baada ya kuwasili hotelini hapo saa 4:00 na kwamba, kulikuwa na mvutano mkubwa hadi majira ya saa 7:00 usiku wa kuamkia jana.
Inadaiwa kikao hicho kiliendelea tena jana asubuhi hadi saa 9:00 wakati walipowaita wagombea na kuwahoji na kumaliza saa 10:00 jioni.

Chadema Out Of Competition!

Fighting for political powers in My home Constituency!

http://www.mwananchi.co.tz/newsrids.asp?id=8905
Date::12/29/2008
Chadema yaenguliwa uchaguzi Mbeya vijijini
Na Brandy Nelson na Peter Edson
CHAMA cha Demokrasia na Maendeleo (CHADEMA) kimeenguliwa kwenye kinyang’anyiro cha uchaguzi mdogo wa ubunge katika jimbo la Mbeya Vijijini baada ya mgombea wake, Sabwee Shitambala kuondolewa katika orodha ya wagombea kutokana na Tume ya Uchaguzi kukubali pingamizi dhidi yake lililowekwa na vyama viwili.
Kwa mujibu wa barua iliyotolewa na kusainiwa na mwenyekiti wa Tume ya Uchaguzi jimboni hapo, Juliana Malange mgombea huyo wa Chadema hataruhusiwa kushiriki kwenye uchaguzi huo ulioandaliwa kuziba pengo lililoachwa na Mbunge Richard Nyaulawa aliyefariki dunia baada ya kuugua kwa muda mrefu.
"Kutokana na pingamizi lililowekwa na Chama cha Mapinduzi (CCM) na Chama cha Wananchi (CUF) maombi yao yamezingatiwa na hivyo mgombea wa Chadema hataweza kuendelea na kampeni zozote za uchaguzi," inaeleza sehemu ya barua hiyo.
Uongozi wa Chadema mkoani Mbeya ulithibitisha kupokea barua yenye maamuzi hayo na kusema kuwa wanatarajia kukaa kikao baadaye jana usiku ili kujua hatima ya chama chao.
Mamia ya mashabiki wa Chadema waliokuwa wamejikusanya katika ofisi za msimamizi wa uchaguzi walionekana kujikusanya katika makundi baada ya uamuzi huo kutolewa, wengi wakiilaani hatua hiyo ya tume ya uchaguzi.
Katibu mkuu wa Chadema, Dk. Wilbroad Slaa alisema amesikitishwa na uamuzi huo kwa kuwa umekifanya chama hicho pamoja na wadau wengine kupoteza imani na usimamizi unaoendelea katika mchakato wa kumpata mbunge atakayerithi kiti cha Marehemu Nyaulawa.
Alisema tayari wameshapata taarifa za pingamizi dhidi ya mgombea wao kwamba limetupiliwa mbali na lile la CUF na CCM kukubalika jambo ambalo alisema limezua utata ndani ya chama chake.
"Tunajiandaa kukata rufaa ndani ya masaa 48 yajayo ili tuweze kupata haki yetu ya msingi dhidi ya mgombea wetu ambaye tunaamini kuwa alikuwa na vigezo vyote vtya kushiriki kwenye uchaguzi," alisema Dk. Slaa.
"Mimi sipo Mbeya ila tumepewa taarifa kuwa ombi letu limetupiliwa mbali, wenzetu wa CCM na CUF wamekubaliwa... jambo hili limetufanya tupoteze imani," aliongeza.
Taarifa dhidi ya pingamizi ya mgombea wa chama hicho ziliwakilishwa kwa msimamizi huyo wa uchaguzi jimboni hapo zikieleza kuwa Shitambala alikwenda kuapa katika kampuni ya uwakili badala ya mahakama ya wilaya, kitendo ambacho kimeelezwa kuwa ni kinyume cha sheria.
Juzi Shitambala aliwekewa pingamizi na vyama vya CUF na CCM. Chadema ilimwekea pingamizi mgombea wa CCM kwa madai kuwa alisema uongo kuhusu mahali alipozaliwa.
Vuta nikuvute hiyo ilitokea katika ofisi ya msimamizi wa uchaguzi huo ambako CUF na CCM walidai kuwa mgombea wa Chadema aliapa kinyume na taratibu za uchaguzi.
Akizungumza na waandishi wa habari mara baada ya kuwasilisha fomu ya pingamizi hilo, mjumbe wa tume ya uchaguzi ya CUF, Hussein Mmasi alisema chama chake kiliamua kumwekea pingamizi Shitambala kutokana na kuapa katika kampuni ya uwakili badala ya Mahakama ya Wilaya.
Madai hayo ndio pia yaliyoifanya CCM kumwekea pingamizi mgombea huyo.
Wakati huohuo, CUF imesema kuwa kinazitambua mbinu zinazotumiwa na CCM katika kuhakikisha kinapata ushindi kwa kuvuruga daftari la wapiga kura na kuongeza idadi watu kwa miujiza, ikidai kuwa hiyo ndiyo silaha yao kubwa.
Akizungumza na waandishi wa habari kabla ya kuzindua kampeni uchaguzi wa ubunge Mbeya Vijijini, naibu katibu mkuu wa CUF, Duni Haji alisema kuwa chama chao kinahitaji mabadiliko na kimekuwa na nafasi kubwa ya kushinda katika chaguzi mbalimbali, lakini tatizo kubwa ni mbinu chafu zinazotumiwa na CCM.
Duni alisema kuwa CCM huvuruga daftari na kuongeza idadi ya wapiga kura kimiujiza na mwisho wake huwa ni matokeo ya kura kuonyeha idadi kubwa tofauti na idadi ya waliojiandikisha.
Naibu katibu huyo alifafanua kuwa mbinu nyingine ni ile ya kumwaga polisi vijijini ili kuwajengea hofu wananchi.
"Mbinu zote hizo zinazotumiwa na CCM zina lengo la kuwaibia kura wapinzani huku wakijua mshindi anapotangazwa, wapinzani huenda mahakamani, lakini hurudi mikono mitupu kwa kuwa wao ndio serikali," alisema.
Alisema kuwa pamoja na CCM kutumia mbinu hizo chafu, bado CUF haitakata tama kudai haki na kuendelea kuwaelimisha wananchi juu ya kuacha tabia ya kuuza shahada zao.

I can See Some You Now!

It is long time since I once saw some of you,I can now see you and some of you don't even know how I can see you.This is what we call Technology,It can just take seconds for me to get to see you pictures!
I can see those faces,I really miss you all an I wish you all A happy New Year!
But I don't know that very small kid!Everything has changed,Soon I will go to see all those changes.

My Grandfather Is Growing Older!

My lovely grandfather is growing Old and as he grows Old the house also grow old.I can see how lonely the grandparents are after all the other family members are away to other cities and countries.

I really thank you grandfather cause without you I don't know how I could have been today.I know you made me stronger and you fought for me in whatever Situation and may God bless you and give you a longer life.I will try to pay you back by doing something to the family and all those in need of my Help.I know there is nothing to pay back to you but just say thank you!
I will see you soon!

His name is Samwel A.Swila,He is one of the wonderful grandfather i have seen,He was ready to fight for me at whatever cost.Even if fighting for me was at the expense of his happiness he always fought.Whoever has lived with me It is all his work with the Help of his almighty.

Mchakato Wa Uchaguzu Mbeya Vijijini

Chadema Vs CCM in my Home!

http://www.mwananchi.co.tz/newsrids.asp?id=8873

Date::12/28/2008
Mgombea wa Chadema awekewa pingamizi
Brandy Nelson, Mbeya
MCHAKATO wa uchaguzi mdogo wa ubunge katika jimbo la Mbeya Vijijini umeingia dosari baada ya mgombea wa Chama Cha Demokrasia na Maendeleo (Chadema)Sabwee Shitambala kuwekewa pingamizi na vyama vya CUF na CCM.
Wakati mgombea huyo wa Chadema akiwekewa pingamizi, Chadema imeeleza kumwekea pia pingamizi mgombea wa CCM kwa madai kuwa amesema uongo kuhusu mahala alipozaliwa.
Vuta nikuvute hiyo ilitokea jana katika ofisi ya msimamizi wa uchaguzi huo ambako CUF na CCM wamedai kuwa mgombea wa Chadema ameapa kinyume na taratibu za uchaguzi.
Akizungumza na waandishi wa habari mara baada ya kuwasilisha fomu ya pingamizi hilo mjumbe wa tume ya uchaguzi ya CUF, Hussein Mmasi alisema chama chake kimeamua kumuwekea pingamizi mgombea wa Chadema kutokana na kuapa katika kampuni ya uwakili badala ya mahakama ya wilaya.
"Tumeweka pingamizi kutokana na mgombea wa Chadema kuapa katika kampuni ya uwakili ambako yeye anafanyia kazi. Kufanya hivyo ni sawa na mgombea huyo kujiapisha mwenyewe,"alisema.
Alisema taratibu za kisheria zinawataka wagombea kuapa mahakamani na siyo kwenye makampuni ya uwakili, kwani fomu ya mgombea wa Chadema inaonyesha mhuri wa kampuni ya mawakili ambayo ndiyo anayofanyia kazi.
Madai hayo ndio pia yaliyokifanya Chama Cha Mapindizi kumwekea pingamizi mgombea huyo.
Akizungumza na gazeti hili, Mkurugenzi wa vijana wa Chadema John Mnyika, alikiri kuwepo pingamizi hilo na kueleza kuwa chama kimejipanga kulipangua.
Alisema viapo vilikuwa wazi na Chadema imejipanga kuliondoa pingamizi hilo.
Akizungumzia suala la pingamizi la mgombea wake, Mnyika alisema limewekwa kimakosa kwani mawakili ambao ni makamishna wa uchaguzi wa wilaya wanaruhusiwa pia kuwaapisha wagombea.
Alisema mgombea wa Chadema alilazimika kuapishwa na wakili kutokana na mahakama kufungwa siku za sikukuu.
Katika hatua nyingine Chadema kimemwekea pingamizi mgombea wa CCM Mchungaji Luckson Mwanjali kwa madai kuwa mgombea huyo alitoa taarifa za uongo kuhusu mahali alipozaliwa.
Akizungumzia pingamizi hilo mjumbe wa kamati kuu ya Chadema na ambaye pia ni mbunge wa jimbo la Mpanda Kati, Said Arfi alisema wameamua kutoa pingamizi hilo kutokana na mgombea huyo kutoa taarifa ya uongo kuwa ni mzaliwa wa Igawilo kitongoji cha Uyole jijini Mbeya huku taarifa zinaonyesha kuwa ni mzaliwa wa Tukuyu wilayani Rungwe.
"Tumeamua kuweka pingamizi dhidi ya mgombea wa CCM kutokana na kuwepo kwa sababu mbalimbali ikiwa ni pamoja na kutoa sababu za uongo za mahali alipozaliwa na tumemtaka mgombea huyo awasilishe vielelezo vitakavyothibitisha sehemu halali aliyozaliwa,"alisema.
Alizitaja sababu nyingine za pingamizi hilo kuwa ni Mgombea huyo kutotoa tamko
la kisheria kuhusu maslahi yake katika hospitali teule ya Wilaya ya Mbeya ya Ifisi
na kwamba siye mgombea aliyethibitishwa na chama chake cha CCM.

Ubunge Mbeya Vijijini

http://www.mwananchi.co.tz/newsrids.asp?id=8868
Mambo ya Harakati za Ubunge Mbeya Vijijini.
Urejeshaji fomu wafunika Mbeya Vijijini
Na Brandy Nelson, Mbeya
SHAMRASHAMRA na chereko jana ziliifunika Ofisi ya Msimamizi wa Uchaguzi wa Jimbo la Mbeya vijijini kutokana na mashabiki wa vyama kuwasikidikiza wagombea wao kurejesha fomu kwa maandamano.
Chama Cha Demokrasia na Maendeleo (Chadema), ndio waliokuwa wa kwanza kurejesha fomu huku mgombea wao Sambwee Shitambala akisindikizwa na mamia ya wafuasi wa chama hicho waliokuwa wakiimba nyingi za kejeli dhidi ya Chama cha Mapinduzi.
Huku wengine wakiimba, CCM fisadi, CCM fisadi, wengine walikuwa wamebeba bendera za chama hicho wakiwa na magari, baskeli na pikipiki.
Katika ofisi hizo wafuasi wa Chadema kutoka katika
maeneo mbalimbali ya Mbeya Vijijini waliotembea kwa mguu kutoka katika ofisi za chama hicho zilizoko maeneo ya Mama John kwa maandamano, walijazana wakishuhudia mgombea wao akirejesha fomu.
Kwa upande wake CCM, walianza maadamano yao Mbeya Vijijini mapema asubuhi wakiwa na magari yaliyojaa wapambe huku mgombea wao, Lackson Mwanjali akiwa juu ya gari akipungia mkono watu waliokuwa pembeni ya barabara.
Hata hivyo, msafara wake ulipata msukosuko alipofika katika eneo la Stendi na Soko la Mbalizi Mbeya vijijini alipokutana na watu waliomzomea.
Katika hali isiyo ya kawaida wananchi na waliokuwa pembezoni mwa barabara walionekana ni wafuasi wa vyama vingine waliuzomea msafara huo huku wakipiga kelele za mafisadi , mafisadi na kusababisha mgombea huyo kukerwa na hali hiyo.
Baada ya kuonekana makelele yanazidi aliamua kuwapa ishara kwa kunyosha vidole viwili juu vya mkono wa kushoto na kimoja cha mkono wa kulia kupachika katikati ya vidole hivyo.
Hali hiyo ilisababisha mji mdogo wa Mbalizi kuzidi kwa makelele na kumzomea, hali ambayo iliulazimu msafara wake kusitisha maadamano na kurejesha fomu kimya kimya.
Akizungumza baada ya kurudisha fomu zilizopokelewa na Msimamizi wa Uchaguzi, Juliana Malange, mgombea wa Chadema, Sambwee Shitambala alisema ameamua kugombea uongozi katika jimbo hilo ili kudhihirisha kuwa wananchi wa jimbo hilo wanataka maendeleo.
Shitambala alisema wakati wa mabadiliko umefika sasa na kuwaahidi wananchi wa jimbo hilo kuwa hajagombea ili awe mtawala bali amekuja kuwatumikia wananchi wa jimbo hilo waliozingirwa na umasikini tangu nchi hii ilipopata uhuru miaka 45 iliyopita.
Wengine waliorudisha fomu ni pamoja Subi Mwakapiki wa Chama cha Sauti ya Umma na Daud Mponzi wa Chama cha wananachi (CUF).
Kampeni za uchaguzi huo wa kuziba nafasi iliyoachwa kufuatia kifo cha mbunge wa jimbo hilo, Richard Nyaulawa, zinatarajiwa kuanza Desemba 30 mwaka huu.
Wakati huo huo, Mjumbe wa Baraza Kuu la Umoja wa Vijana wa CCM Mkoa wa Mbeya, Godfrey Mwamboma amekihama chama hicho na kujiunga na Chadema.
Mwamboma ni miongoni mwa wananchi wengine 102 wa vijiji vya Itewe, Inyala na Idunda vilivyopo katika kata ya Inyala Wilaya ya Mbeya vijijini waliorudisha kadi za CCM na kujiunga na Chadema huku wadai kuhama kwa sababu chama hicho kimewatelekeza tangu walipokichagua mwaka 2005.
Mwamboma aliyekuwa na kadi ya CCM namba 177601 iliyotolewa Julai 22 mwaka 2003, alichukua kadi ya Chadema yenye namba 0139981 ambayo alikabidhiwa na mjumbe wa Kamati Kuu ya Chadema, Said Arfi.
Alisema kuwa kuwa ameamua kwa hiari yake kujiunga na Chadema kutokana kuonesha muelekeo wa maendeleo wenye nia ya kulikomboa jimbo hilo na kuleta maendeleo ya kiuchumi.
"Kama kijana nilikuwa na matumaini kwamba CCM itawavusha na kuwakwamua kiuchumi lakini matokeo yake viongozi wakuu wa serikali wameonekana wazi wakituhumiwa kwa ufisadi na ulaji wa rushwa, jambo ambalo limenifanya nikose
imani na chama hicho," alisema
Wanachama hao walisema kuwa viongozi wa CCM walifika hapo wa kampeni za uchaguzi mwaka 2005 na kuwagawia nguo, kofia na kanga na baada ya hapo hawajarudi tena kijijini
hapo.
"Kitendo kilichofanywa na viongozi wa CCM kimesababisha tukione chama hicho hakina nia ya kutekeleza ahadi walizotuahidi wakati wa kampeni, hivyo tumeamua kukiacha na kujiunga na Chadema na ndiyo mkombozi wetu," alisema.

CCM yampiga chini Makamba-Harakati za Mbeya kupata MP

http://www.jamiiforums.com/jukwaa-la-siasa/22105-ccm-yampiga-chini-makamba.html

CCM yampiga chini Makamba
CHAMA Cha Mapinduzi (CCM) kimemteua mgombea wake wa ubunge jimbo la Mbeya Vijijini na kumwengua katibu wake mkuu, Yusuf Makamba katika safu za mbele za kutetea ushindi katika uchaguzi huo.CCM inafanya mikakati mizito ya kuhakikisha hakianguki kwa mara ya pili mfululizo baada ya Chama cha Demokrasia na Maendeleo (Chadema) kupata ushindi mkubwa kwenye uchaguzi mdogo wa jimbo la Tarime, ambako CCM iliongozwa na Yusuf Makamba.Kuanguka kwa CCM kulisababisha lawama kubwa dhidi ya Makamba kiasi cha kubashiriwa kuwa mkuu huyo wa zamani wa mkoa wa Dar es salaam angevuliwa ukatibu mkuu wa chama wakati wa mkutano wa Halmashauri Kuu uliofanyika Dodoma karibu mwezi mmoja uliopita.Makamba aliokoka baada ya kikao hicho kuisha bila ya kumjadili, lakini sasa hataongoza kampeni ya kutetea kiti kilichoachwa wazi na Richard Nyaulawa aliyefariki dunia kutokana na kuugua kwa muda mrefu.Katibu wa Itikadi na Uenezi wa CCM, John Chiligati aliwaambia waandishi wa habari jana kuwa Makamba sasa hatakuwa msimamizi mkuu bali mwangalizi na mwezeshaji wa kampeni."Makamba sasa hatajikita moja kwa moja katika usimamizi wa kampeni hizo kama ilivyokuwa Tarime badala yake atakuwa na kazi ya kuangalia na kuwezesha kampeni hizo," alisema Chiligati.Alisema uamuzi wa kutomuweka Makamba kuwa msimamizi mkuu unatokana na mkakati wa chama hicho kuiachia CCM Mkoa kufanya kazi hiyo, badala ya kuongozwa na CCM Taifa."Makamba atakuwa akienda Mbeya kuwezesha kampeni hizo na kurudi," alisema Chiligati. "Kamati ya uchaguzi ya mkoa wa Mbeya ndiyo yenye jukumu la kusimamia uchaguzi huo."Katika uchaguzi wa jimbo la Tarime, Makamba alilaumiwa kuwa hakufanya jitihada za kuondoa tofauti za makundi yaliyoibuka wakati wa uchaguzi wa mwaka 2005, moja likidaiwa kuongozwa na Kisyeri Chambiri na jingine likidaiwa kuongozwa na Chrisopher Gachuma.Makamba anadaiwa kuegemea kwenye moja ya makundi hayo na hivyo kuwafanya baadhi ya Wana-CCM kutomuunga mkono mgombea wake, Christopher Kangoye.Makamba pia alidaiwa kutotumia wazawa wa Tarime kwenye kampeni hizo na badala yake kuwatumia wapiga debe waliojiunga na CCM kutoka vyama vya upinzani, huku lawama nyingine zikielekezwa kwa kada huyo kwa kushindwa kwenye uchaguzi licha ya kuwezeshwa kila kitu, zikiwemo helkopta mbili.Kuhusu mgombea wa CCM kwenye jimbo hilo la Mbeya Vijijini, Kapteni Chiligati alimtangaza Mchungaji Luckson Mwanjale kuwa ndiye aliyeshinda katika uteuzi huo uliofanywa na Kamati Kuu ya CCM (CC) jijini Dar es Salaam jana.Alisema Mwanjale amewashinda wenzake kadhaa, akiwemo aliyekuwa mkuu wa majeshi mstaafu, Robert Mboma aliyepata kura 164.Wengine walioshiriki katika nafasi ya kugombea kuteuliwa ni Allan Mwaigaga, aliyepata kura 259, Adrea Sayile (229), Diovita Diame (162), Petro Mwashusha (28),Flora Mwalyambi(26), Machael Mponzi (23) na Maria Mwambanga(19).Alisema kampeni za uchaguzi huo wa Mbeya Vijijini zitazinduliwa na Rais Mstaafu wa Awamu ya Pili, Ali Hassan Mwinyi Januari 4 mwakani.Uchaguzi mdogo jimbo la Mbeya Vijijini utafanyika Januari 25 mwakani kuziba pengo la aliyekuwa mbunge wa jimbo hilo, Richard Nyaulawa aliyefariki dunia Novemba mwaka huu kwa ugonjwa wa saratani.Wakati CCM imemteua mgombea wake, Chadema ilimteua Sabwee Shitambala kukiwakilisha katika uchaguzi huo utakaohusisha pia Chama cha Wananchi (CUF). Mgombea wa CUF anateuliwa leo kwenye mkutano mkuu wa CUF wilayani Mbeya Vijijini
window.google_render_ad();

Shida Za Watanzania Zitaisha lini?

Watanzania Wanahitaji kudai Uhuru Wao.
Nadhani Tanzania iko chini ya Advanced Neocolonialsim ambapo uchumi umeshikwa na watu wa nje, wakati serikali imeshikwa na watanzania wasiokuwa na mapenzi na nchi hii na tayari ama wana maskani yao nje ya nchi au wana mipango ya namna hiyo.Kwa nini?(a) Aliyekuwa Gavana wa Benki kuu akisimamia wizi mkubwa wa pesa zetu, baada ya kuacha ofisi alirudi kwake Marekani, ambako ndiko alikomalizia maisha yake. (b) Aliyekuwa mwanasheria mkuu wa serikali akisimamia mikataba mingi mibovu, amegundulika kuwa na vijisenti vingi sana huko kwenye mabenki ya nje. Siku yoyote akitaka ataondoka na kwenda kwenye vijisenti vyake. Huyu bwana naye alikuwa ametushikia bendera ya karatasi tu. (c) Aliyekuwa katibu Mkuu wa wizara ya fedha akisimamia matumizi na mapato ya serikali yetu ana maskani yake ya kudumu huko Marekani. Siku yoyote anaweza kuondoka.(d) Leo hii nimesoma headline moja kuwa aliyekuwa waziri wa elimu akisimamia kuharibika kwa elimu nchini ili vizazi vijavyo viweze kutawaliwa kirahisi naye ana mpango wa kuhamie Marekani.(e) Kuna tetesi kuwa kiongozi mmoja mzito sana anauza mali zake kwa kasi sana, inawezekana lengo lake ni kuhamia nje ya nchi kutokana na mwenendo wa kesi za ufisadi zilizoanza. Kiongozi huyu anasemekana ana majumba Marekani na Afrika ya Kusini.(f) Viongozi wetu wengi waliowahi kushika nafasi nyeti wana maskani mengine nje ya nchi wakati hakuna viongozi wa nchi za nje walio na maskani yao nchini mwetu.Huu ufisadi tunaosikia kila siku ni matokeo ya viongozi wetu kuitumia nchi yetu kama sehemu ya wao kuchuma, halafu wakalie walichochuma huko nchi za nje. kwa kifupi, tunahitaji uhuru wetu tena, safari hii ikiwa ni dhidi ya Advaced Neocolonialism.

Wakili ashinda kura za maoni Chadema Mbeya Vijijini

2008-12-18 12:33:47 Na Thobias Mwanakatwe, Mbeya
Chama Cha Demokrasia na Maendeleo (Chadema) kimekamilisha mchakato wa kushiriki katika uchaguzi mdogo wa ubunge katika Jimbo la Mbeya Vijijini unaotarajia kufanyika Januari 25, mwakani. Uchaguzi huo unafuatia kifo cha aliyekuwa mbunge wa jimbo hilo, marehemu Richard Said Nyaulawa, aliyefariki dunia mwezi uliopita kutokana na ugonjwa wa kansa ya ini. Jana, Mkutano wa Chadema wa Wilaya ya Mbeya Vijijini, ulimchagua wakili wa kujitegemea, Sambwee Shitambala, kuwania ubunge wa Jimbo la Mbeya Vijijini kupitia chama hicho. Shitambala aliibuka mshindi katika mkutano wa kura za maoni uliofanyika katika Hoteli ya Tughimbe mjini Mbalizi kwa kupata kura 44 na kuwashinda washindani wake watatu. Wagombea walioangushwa katika kinyang`anyiro hicho ni Katibu wa Chadema Wilaya ya Mbeya Vijijini, Ipyana Seme aliyeambulia kura 18, Mkuu wa Shule ya Sekondari ya Nswila, Amos Nsote aliyepata kura 17 na mwanafunzi wa Chuo Kikuu cha Elimu (Duce), Burton Gwakisa, aliambulia kura saba. Kufuatia matokeo hayo, Shitambala, anasubiri kuidhinishwa na Kamati Kuu ya Chadema itakayokutana mjini Mbalizi ambapo viongozi wakuu wa chama hicho, Mwenyekiti wa Taifa, Freeman Mbowe na Katibu Mkuu, Dk.Wilbroad Slaa watahudhuria. Akizungumza na Nipashe baada ya kutangazwa mshindi, Shitambala ambaye alipata Shahada ya Uzamili ya Sheria nchini Uingereza, alisema kwake siasa siyo ajira bali ni huduma kwa jamii. Alisema kama atachaguliwa na wananchi wa Jimbo la Mbeya Vijijini atahakikisha anatumia taaluma yake ya sheria kwa kuwasaidia kuwaelimisha wananchi elimu ya uraia ili wajue wajibu wao na kuzifahamu haki zao za msingi. Alisema zipo baadhi ya sheria ambazo bado ni kandamizi kwa jamii hivyo atakapoingia bungeni atasaidia kuzipigia kelele ili zirekebishwe. Wakati huo huo, wanachama wawili wa Chama cha Wananchi (CUF) wamejitokeza kuchukua fomu, akiwemo Askofu wa Kanisa la Pentekoste, ili kugombea ubunge wa jimbo hilo. Katibu wa CUF Mbeya Vijijini, Ernest Gunza, akizungumza na Nipashe alisema miongoni mwa wanachama waliochukua fomu za kuwania ubunge ni Askofu wa Kanisa la Pentekoste PCG Mbeya, Samson Mwalyego, na mfanyabiashara wa mji wa Mbalizi, Obadia Nkyenky. Alisema zoezi la kuchukua fomu bado linaendelea hadi kesho. Katika hatua nyingine, Naibu Katibu Mkuu wa Chadema, ZittoKabwe, amesema chama chake hakipingi ushirikiano wa vyama vya upinzani katika kumweka mgombea mmoja kwenye uchaguzi wa Jimbo la Mbeya Vijijini.

After four Years Of Not Seeing you!

Today I was able to see Mwite and My mum again atleast by pictures after the three years of not seeing each other.This was possible only after giving Mwite my Laptop and Camera and by using the office internet of where she is doing her field training.Even if I have not met them for all that time but now I can guess on how they are and may be can see how I can act accordingly.
As I can see my mum has turned black and little older,more white hairs coming!I know she misses me very much her only kid,and Her only hope in her future.The distance is a little problem but from today this will no longer be a problem.I will make sure I get her pictures update at given time intervals!Also soon I expect Mwite to show me the pictures of my lovely grandfather and all other people whom I have been missing for four years!
Thanks Mwite and God Bless you!

Mama Ninakukumbuka sana na wala sijakusahau!Ninakupenda sana!

Harakati za Uchaguzi Mbeya Vijijini!

Wapinzani sasa wasambaratika Mbeya Vijijini 2008-12-15 12:56:43 Na Joseph Mwendapole na Muhibu Said
Kambi ya upinzani, imeshindwa tena kuungana na kusimamisha mgombea mmoja katika uchaguzi mdogo wa ubunge Jimbo la Mbeya Vijijini. Uchaguzi huo umepangwa kufanyika Januari 25, mwakani. Jimbo hilo liko wazi kufuatia kifo cha aliyekuwa Mbunge wake, Richard Nyaulawa (CCM) kufariki dunia. Vyama vinne vya Chadema, NCCR-Mageuzi, TLP na CUF, vilianzisha ushirikiano ambapo vilikubaliana kuwa vitasimamisha mgombea mmoja katika chaguzi pale ambapo itaonekana chama kimojawapo kinaungwa mkono pamoja na kuwa na msimamo mmoja katika masuala mbalimbali ya kitaifa na kimataifa. Ushirikiano huo uliingia doa Oktoba, mwaka huu katika uchaguzi mdogo wa ubunge na udiwani katika kata ya Tarime Mjini na jimbo la Tarime wa kujaza nafasi hizo kufuatia kifo cha aliyekuwa anazishikilia, Chacha Zakayo Wangwe kufariki dunia. Katika uchaguzi huo, kambi ya upinzani ilishindwa kukubaliana kusimamisha mgombea mmoja hivyo Chadema, NCCR-Mageuzi kila kimoja zikasimamisha wagombea huku TLP ikikiunga mkono NCCR-Mageuzi na CUF kukiunga mkono Chadema. Democrat (DP) ambacho hakiko katika ushirikiano huo nacho kilisimamisha wagombea. Mwenyekiti wa DP, Christopher Mtikila, alisema jana kuwa chama chake kiko katika mchakato wa kumpata mgombea atakayesimamishwa kuwania jimbo hilo. Alisema wanatarajia mchakato huo utakamilika na hatimaye mgombea kupatikana wiki hii. Kwa upande wake, Chadema) kimesema kinatarajia kusimamisha mgombea na tayari mchakato umeanza. Katibu Mkuu wa Chama hicho, Dk. Willbroad Slaa, alisema uteuzi wa Wilaya utafanyika Desemba 17 na Kamati Kuu ya chama itakaa Desemba 20. Kwa upande wake, Mwenyekiti wa TLP, Augustino Mrema, alisema jana kuwa hajajua iwapo chama chake kitasimamisha mgombea au la. ``Nipe muda wa saa moja kisha nitakujibu kama tutasimamisha mgombea au la, ngoja niwasiliane na wenzangu ntakujulisha,`` alisema Mrema. Hata hivyo, gazeti hili lilipowasiliana naye baada ya muda huo Mrema hakupokea simu licha ya kupigiwa mara kwa mara. Akizungumza na waandishi wa habari jijini Dar es Salaam jana, Mwenyekiti wa CUF, Profesa Lipumba, alisema Katibu Mkuu wa chama hicho, Maalim Seif Shariff Hamad, ndiye atakayekuwa msimamizi wa mchakato mzima kwa upande wa kwa CUF katika uchaguzi mdogo wa Jimbo la Mbeya Vijijini. Alisema CUF kilimwandikia barua Mwenyekiti wa Chadema, Freeman Mbowe, ili chama hicho kikiunge mkono CUF katika uchaguzi huo lakini hadi jana Mbowe hakuwa ameijibu barua hiyo. Profesa Lipumba alisema CUF kitashiriki kikamilifu katika uchaguzi huo na wana matumaini ya kushinda kwa kuwa mgombea wao katika uchaguzi wa mwaka 2005 alishika nafasi ya pili nyuma ya marehemu Nyaulawa. Alisema ushirikiano wa kisiasa wa vyama vinne una mtihani mgumu kwa kuwa baadhi ya vyama vimeonyesha dalili zote za kudhoofika. Akizungumza na Nipashe jana, Katibu wa Itikadi na Uenezi wa NCCR-Mageuzi, Joseph Selasini, alisema wanasubiri uamuzi wa vikao vya juu vya chama hicho vitakavyoamua iwapo chama hicho kisimamishe mgombea au la. Alisema ingawa wana nia ya kumsimamisha mgombea wao, lakini kwanza watapima upepo kabla yakufikia uamuzi huo. Selasini alisema yeye alikuwa Mbeya kwa wiki tatu kufanya tathmini ya kisiasa na aliyoyaona huko yatawasilishwa kwenye vikao vya ngazi za juu ili yafanyiwe maamuzi. Mchakato wa uchaguzi huo mdogo umeashaanza rasmi baada ya Tume ya Taifa ya Uchaguzi (NEC) kutoa ratiba yake inayoonyesha kuwa uteuzi wa wagombea utafanyika Desemba 27 wakati kampeni zitaanza rasmi Desemba 28 hadi Januari 24, siku moja kabla ya upigaji kura. Uamuzi wa kila chama kusimamisha mgombea wake unakipa Chama Cha Mapinduzi (CCM) nafasi nzuri ya kushinda kutokana na kambi ya upinzani kugawana kura.